(297) 5224200

Si bo ta bay bishita un pais cu tin cierto malesanan cu por tin un riesgo pa bo salud. 

E malesanan aki por ta entre otro Keintura Geel, Malaria, Dengue, Tetanus, Salmonella y Hepatitis A.

Na Servicio di Malesanan Contagioso tin vacuna pa diferente di e malesanan aki.

Dependiendo e pais cu bo ta bay bishita bo ta haya conseho riba cua vacuna bo tin cu tuma.

Tambe tin malesanan cu no tin vacuna pa nan entre otro Malaria. Pa e pildoranan contra Malaria mester bay Dokter di cas pa e skirbi un recept.

Pa e otro malesanan Servicio di Malesanan Contagioso por duna informacion y guia riba e precaucionnan cu mester wordo tuma

durante e biahe. No ta solamente vacuna ta importante, pero bo mes por cuida bo salud door di tene cuenta cu loke bo ta come y bebe. Nos Servicio ta purba na preveni malesanan contagioso di drenta y/of plama na Aruba.

 E ta di suma importancia cu prome cu bo realisa bo biahe bo tuma contacto cu bo Dokter di cas of  Servicio di Malesanan Contagioso encuanto di vacunacion pa biahero.

Acudi cu suficiente tempo adelanta (por lo menos 2 siman) prome cu biaha.

E siguiente vacunan ta wordo duna na Servicio di Malesanan Contagioso.

 D(ifteria) T(etanus) P(olyomyelitis)

 Keintura Geel

 Immuno (Gamma) Globuline

 Meningococcen A & C

 B(of) M(azelen) R(ubella)

 Hepatitis B 

Sintoniza cu nos na diferente programa cu topico manera: 

  • Historia di biahero y situacion actual.

  • Seguro di biahe.

  • Diferente malesanan contagioso.

  • Tipo di turismo.

  • Malesanan cu bo por haña for di e diferente tipo di turismonan.

  • Bugs: Sangura, tick- carpata- fly y nan malesanan. 

  • Prevencio: Vacunacion y Hygiena.