(297) 5224200

Relato di Prensa Departamento di Salud Publico 

2015

Proyecto Scol Saludabel y e aña escolar nobo

Aña escolar nobo (2015-2016) a cuminsa y e proyecto Scol Saludabel ta sigui cu su actividadnan. E grupo di implementacion (stuurgroep) cu ta guia e cinco scolnan cu ta participa na e proyecto piloto aki a organisa un workshop dia 22 di september ultimo. Dicho workshop a tuma luga na e sala di reunion di Departamento di Salud Publico.  E team di salud di e scolnan piloto a bini hunto e mainta aki pa haya informacion y pa intercambia di ideanan relaciona cu nan plandi trabou pa aña escolar aki. A pone enfasis riba e temanan “ con pa trece cambio den comportacion” y “ con pa formula bo metanan ” cu ta haci nan mas realisabel. E teamnan a siña con pa traha  segun e metodo SMART essayovernight cu ta un metodo hopi efectivo y relativamente facil pa uza.  Tabatin e oportunidad pa e scolnan tambe contribui cu nan ideanan pa haci e proceso di desaroyo di e proyecto Scol Saludabel uno mas efectivo y eficiente, p.e. dor di uza formanan mas facil pa e scolnan piloto comunica cu otro pa motiva y stimula otro e.o. dor di comparti nan preocupacionnan y ideanan . E cinco scolnan piloto cu ta participa na e proyecto di Scol Saludabel ta Scol basico Kudawecha, Cacique Macuarima School, St. Paulus School y Mon Plaisir Kleuter y Basisschool, cu mientras tanto a bira un solo scol. E grupo guia (stuurgroep) ta un grupo multidisciplinario cu ta conta cu miembronan di Departamento di Enseñansa, Departamento di Salud Publico, Instituto Biba Saludabel y Activo, Departamento di Asunto Social, Instituto Pedagogico Arubano y recientemente tambe un miembro di e proyecto “ Veilige Scholen”. E workshop tabata uno exitoso caminda cada grupo a logra haya mas claridad riba e caminda pa bira un scol saludabel.