(297) 5224200

Na fin di 2014 Parlamento di Aruba a vota unanimamente riba dos ley pa mehora e calidad di nos salud publico. Gobierno tin un rol importante pa controla y stimula e calidad den e sector di cuido di salud en general y e calidad di dunadonan di cuido en particular. Den cuadro di mehoracion di calidad di cuido y pa garantisa cuido di calidad, e ley di Calidad (Landsverordening Kwaliteit in de Gezondheidszorg) y e ley di Profesionnan den Cuido (Landsverordering beroepen in de gezondheidszorg) a wordo crea y ta na vigor for di Januari 2017. E ley aki ta crea obligacionnan legal cu ta nobo, entre otro, e obligacion pa e profesional y instancianan di cuido medico wordo registra.

Pa e motibo aki, e Departamento di Salud Publico di Aruba ta haci un yamada na tur e instancianan di cuido (instancianan di cuido of personanan cu ta duna cuido), pa nan meld nan mes na Departamento di Salud Publico di Aruba, pa nan wordo registra.

Ta asina cu e ley di Calidad, esta e Landsverordening Kwaliteit in de Gezondheidszorg, ta stipula cu tur instancia di cuido mester wordo registra na Departamento di Salud Publico di Aruba. Den e ley ta stipula cu tur dunado di cuido mester ta registra y cu consecuentemente e registro aki mester wordo publica.

E ley ta defini tres grupo cu ta wordo considera di ta instancianan di cuido:
Persona natural of un persona huridico cu tin un instancia;
Persona natural of un persona huridico cu hunto ta forma un instancia;
Un dunado di cuido;

Ta trata aki di instancianan manera por ehempel hospitalnan, botica’s, dokternan di cas, dokternan specialista, instancianan di cuido medico y paramedico, instancianan di cuido dental, laboratorionan y tur otro instancia of dunado di cuido cu ta cay bao di e definicion legal.

E instancianan di cuido lo haya un e-mail for di Departamento di Salud Publico di Aruba cu un formulario di inscripcion, caminda cu cada dunado di cuido ta haya un yamada pa registra nan mes. E formulario mester wordo yena y manda bek pa Departamento di Salud Publico di Aruba cu tur e documentonan cu a wordo pidi. Tambe tin e posibilidad pa haci peticion di e formulario di registro on line na This email address is being protected from spambots. You need JavaScript enabled to view it. via www.despa.gov.aw. , tambe riba facebook/ DVG Aruba

Ora cu e formulario wordo yena, e por wordo manda na Departamento di Salud Publico, hunto cu tur e documentonan na e e-mail adres: This email address is being protected from spambots. You need JavaScript enabled to view it.

Pa preguntanan por yama Departamento di Salud Publico riba number 522-4200 y puntra pa e afdeling di Registratie Volksgezondheid

 Click riba e link pa download formulario